Justin Trudeau

Si Justin Pierre James Trudeau MP (namundag Desyembre 25, 1971) sarong pulitikong taga-Kanada asin Primer Ministro-designado kan Kanada.^[1][2] An saiyang partido na saiyang pinamamayohan, an Partido Liberal, hustong guminana sa 2015ng eleksyon federal. Sa pagsumpa niya, siya na an ikaduwang pinakahubin na Primer Ministrong matukaw, an pinakahubin iyo si Joe Clark.^[3] Siya an matuang aki ni Pierre Trudeau na saro man nangagin ika-15ng Primer Ministro kan nasabing nasyon.^[4]

Si Trudeau namundag sa Ottawa asin nag'adal sa Kolehiyo Jean-de-Brebeuf. Nakamit niya an Batsilyer en Artes sa literatura sa Unibersidad McGill asin sa Edukasyon sa Unibersidad nin British Columbia asin ta nailawan siyang enot na gayo kan siya tuminaram sa pagpahumale kan saiyang ama sa pagdapit kaini sa paglubong. Pakatapos pag'adal siya nagtukdo sa Vancouver, nag'adal engineering asin nagpoon magkua nin Masters sa Environmental Geography. Naglataw siya sa atensyon nin publiko sa pagbusol nin mga iba-ibang adbukasiya manta na nagpapel siya sa TV miniseries The Great War kan 2007.

Nagbuntog siyang orog sa pulitika pakagadan kan saiyang ama asin nangagin siyang representante para sa Papineau sa House of Commons kan eleksyon federal kan taon 2008. Kan Septyembre 2009, siya nanombrahan sarong kritiko kan Partido Liberal para sa Youth asin Multiculturalism. Kan Septyembre 2009, nagin naman siyang kritiko para sa Youth, Citizenship asin Immigration. Kan madaog sa eleksyon federal an Partido Liberal kan 2011, asin ta si Michael Ignatierr nagbutas komo lider sa LIberal, an interem na lider na si Bob Rae pignombrahan siyang kritiko para sa Post Secondary Education, Youth and Amateur Sport. Kan 2013, ginana niya an liderato kan Partido Liberal.^[5] Sa 2015 eleksyon federal, nadaog niya si Primer Ministro Stephen Harper na iyo an may renda kan Partido Conservative, mala ta hale sa 36 na tukawan, nasikwit kan saiyang partido an 184 tukawan sa House of Commons, bagay na pambihira asin enot pa sanang nangyari ini sa eleksyon sa Kanada na may dakulaon na lukso sa bilang nin ginanang tukawan.^[6][7][8]

1. ↑ http://www.cbc.ca/news/politics/canada-election-2015-voting-results-polls-1.3278537 Kinua 25-10-015
2. ↑ http://edition.cnn.com/2015/10/19/world/canadian-election/ Kinua 25-120-15
3. ↑ http://www.thestar.com/news/canada/2015/10/20/your-post-election-coverage-at-a-glance.html Kinua 25-10-15
4. ↑ http://www.hamiltonnews.com/news-story/5968550--we-re-back-trudeau-tells-allies-abroad/ Archived 2015-11-26 at the Wayback Machine. Kinua 25-10-15
5. ↑ http://news.nationalpost.com/news/canada/justin-trudeau-elected-liberal-leader-in-landslide-victory Kinua 28-10-15
6. ↑ http://www.reuters.com/article/2015/10/20/us-canada-election-idUSKCN0SD17X20151020 Kinua 28-10-15
7. ↑ http://edition.cnn.com/2015/10/19/world/canadian-election/ Kinua 28-10-15
8. ↑ http://www.inquisitr.com/2507484/justin-trudeau-liberals-win-majority-in-canadian-federal-election/ Kinua 28-10-15